Avropa parlamenti delegatsiyasınen körüşüv

11.05.20160:19

Avropa parlamenti delegatsiyasınen körüşüv

2010 senesi 4 noyabr künü Kiyevde Ukraina Yuqarı Şurasınıñ Avropa integratsiyası sualleri boyunca komitetiniñ oturışlar zalında Qırımtatar Milliy Meclis Reisi, Ukraian halq deputatı Mustafa Cemilev Pavel Koval yolbaşçılığındaki Avropa parlamenti delegatsiyasınen körüşti.

Körüşüvde Estoniya, Poloniya,Avstriya ve Bulğariyadan Avropa parlamentiniñ azaları, em de Avropa Birliginiñ Qırım inkişafına yardım etüv programmasınıñ kuratorı, Ukrainada AB Temsilciliniñ hadmi Entso Damiani ve Avropa integratsiyası komitetiniñ Reisi, Ukraina Narodnıy Ruhnıñ reisi Boris Tarasük iştirak ettiler.

Körüşüvde Qırım inkişafınıñ esas meselelerine toqunıldı, şu cümlede prezident saylavları ve yerli akimiyet qurumlarına saylavları neticesinde yarımadada olğan vaziyet. M.Cemilev Avropa parlamenti delegatsiyasına qırımtatar halqınıñ temsil qurumı – Mecliske dair Ukraina ve Qırım akimiyetiniñ yañı siyaseti munasebetinen Qırımtatar Milliy Meclisniñ pozitsiyasi aqqında tafsilâtlı haber berdi.

Ayrı diqqat ile körüşüv iştirakçileri Meclis yolbaşçısınıñ printsiplerini diñlediler, olarğa köre Avropa Birligi azaları olğan ülkeler tarafından teşebbüs etilgen Qırımda büyük yardım programması mufaqiyet ile ömürge keçirilecek.