Avropa birlginiñ elçileri daa altı ayğa Rusiyege qarşı sanktsiyalarnı devam ettirdi

08.09.201723:34

Avropa birlginiñ elçileri, 6 sentȃbr künü, Rusiye kompaniyalarına ve ayrı şahıslarğa qarşı sanktsiyalarnı devam etmege razı oldılar.

«Elçiler qabul etken qararğa köre, sanktsyalar altına 149 şahıs ve 38 kompaniya tüşe. Olarğa qarşı viza yasaqları ve para işleri toqtatılması kibi sıñırlar qoyula», dep yaza, özüniñ Twitter saifesinde «Mustaqillik Radiosınıñ» muhbiri Rihard Yozvȃk.

Sanktsiyon cedveline, Rusiyeniñ Amerikağa yañı yollanılğan elçisi Anatoliy Antonov da kirdi.

Hatırlatamız, 4 avgust künü Avropa birligi, Siemens davası sebebinden, Rusiyege qarşı sanktsiyalarını devam ettirgen edi.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız

 

 

Фото аватара

Автор: Редакция Avdet

Редакция AVDET