Kefede (Feodosiya) İvan Ayvazovskiyniñ mezarı abadanlaştıruvına 23 million ruble kerektir.
Bu aqta memuriyetniñ medeniyet meseleleri boyunca bölüginiñ müdiri Albert Dorjeyev bildirdi.
Ayvazovskiyniñ mezarı mağazdan ibarettir, bu yerde ressamnıñ ve onıñ apayınıñ külü tura, dep añlattı Dorjeyev «Sputnik v Krımu» radiosınıñ yayınında.
Mezarda meydançıq teminlengen, bu yerde qora qoyulğan, hatıra yazısı ile mermer taşı tura.
Bunen beraber, Dorjeyev qayd etti ki, 23 million – bu tamirniñ tahminiy fiyatıdır, onıñ tam fiyatı leyha yapılğan soñ belli olacaqtır.
Şeer akimiyetiniñ fikrince, şimdiki vaqıtta ressam qabiriniñ ve onıñ yanındaki territoriyanıñ uyğun olmağan körünişi bar.
Bu mesele pek paalıdır, tamirge ise yarımadanıñ diger bir çoq tarihiy obyekti muhtacdır. Bunıñ içün para ne vaqıt ayırılacağı ve işler ne vaqıt başlanacağı belli degil.
Belli ressam İvan Ayvazovskiynıñ ömrü ve icadı Qırımnen bağlı, o, özü ve qırımtatarlar aqqında sıcaq hatıralar qaldırdı.
Telegramda kanalımızğa qoşulıñız ve eñ aktual ve meraqlı malümatlardan haberdar oluñız
