Bağçasarayda aqay kişi özüni yaqtı

08.01.201717:21

Bağçasarayda 50 yaşındaki aqay kişi, apayınen qavğalaşqan soñ, soy-sopları ögünde özüni yaqtı.

Bu aqta Rusiye Taqiqat komitetiniñ Qırım boyunca Baş taqiqat idaresi bildire.

Vaqia bazar künü yüz berdi. Yardım kösterilgenine baqmadan, aqay kişi yanıqlardan vefat etti. Şimdiki vaqıtta taqiqat organları teşkerüv keçire.

Qırım ükümetiniñ Milletlerara munasebetler ve sürgün etilgen vatandaşlarnıñ meseleleri boyunca Devlet komitetiniñ yolbaşçısı Zaur Smirnov bildirdi ki, aqay kişi qırımtatar edi. Memur, «qoranta belâsından spekulâtsiya yapmamağa ve Halilovlar qorantasında yüz bergen faciağa insancasına davranmağa» çağırdı, dep bildire «RİA-Krım».

Sentâbr 2-de, Yaltada, Primorskiy plâj rayonında yerli pensioner Aleksandr Strekalin özüne benzin tökip, özüni yaqtı.

Фото аватара

Автор: Редакция Avdet

Редакция AVDET