Başqurtlarnıñ bütün dünya qurultayı nevbetten tış toplaşuvlarını keçirecek ola ve Bütün dünya tatar, çuvaş, mari, udmurt, mordva halqlarınıñ liderleri Rusiyeniñ Yuqarı mahkemesine ve prezidentke muracaat tizmesinde teşebbüs köstermege istedi. Toplaşuvları ana tilini ogrenme ve ogretme problemelarına bağışlanacaq.
Toplaşuvni keçirme ricasınen, teşkilâtnıñ reyisine, qurultay azası Ramil Baynazarov muracaat etti.
Daa evelleri, Başqurtistan prokuraturası, mekteplerde başqur tilini ogrenme meselelerine añlatuvnı derc etti. Bu vesiqağa köre, ana – babalarnıñ razılıqları olsa bile, ana tilini, şu sırada başqur tilini de, ogrenmege yasaq etile.
Bundan soñ, prokuratura, mekteplerde başqur tili göñülli, ya da göñülsiz şekilde ogretilgeni meselesi boyunca, kütleviy teşkerüvler keçirip başladı. Bu teşkerüvler 30 sentâbr künü bitecek.
Ondan da başqa, başqur tili imayecilerine, Ufada miting keçirmege izin bermediler.
Hatırlatamız, avgust ayınıñ soñunda Rusiye prezidenti Vladimir Putin, prokuraturağa, mekteplerde ana tilini göñülli şekilde ogrenmesinde insan aqlarını riyayet etilip etilmegenine teşkerilmesine emir berdi, dep haber ete Idel.Realii.
Avdet haber etkenine köre, Rusiye prezidenti Vladimir Putin, regionlarınıñ milliy tillerini mecburiy ogretilmesine qarşı çıqqanını, bildirdi.
Qazanda mektep talebeleri, endi yigirmi yıldan berli, tatar konstitutsiyasınıñ qattı qanunları boyunca, aftada altı saat rus tili ve edebiyatı ve altı saat tatar tili ve edebiyatını ogreneler.
Bu aqta daa tafsilâtlıca haberni mında tapa bilesiñiz.
Naberejnıye Çelnıde talebelerniñ ana – babaları messencer arqalı, tatar tilini mecburiy şekilde ogrenmemeleri aqqında mesaj aldılar.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
