Canköy rayon memuriyeti Noman Çelebicihan müzeyiniñ teşkil etilüvinde yardım kösterecek

25.02.201712:35

Canköy rayon memuriyeti belli qırımtatar din, siyaset ve cemaat erbabı Noman Çelebicihannıñ müzeyiniñ teşkil etilmesinde faal iştirak etmege azır.

Bu aqta Canköy rayon memuriyeti yolbaşçısınıñ muavini Alla Ponomarenko bildirdi.

Bu aqta Ponomarenko fevral 23-te qırımtatar yetekçisi, Qırım Halq Cumhuriyeti ükümetiniñ birinci reisi, I-ci Qırımtatar halqı Qurultayınıñ teşkilâtçısı, Qırım, Litvaniya, Poloniya ve Beyaz Rusiye birinci müftisi Noman Çelebicihannıñ hatırasına bağışlanğan dua merasiminde ilân etti.

Chelebicihan_Dua_Cankoy-11

«Noman Çelebicihannıñ printsiplerinden biri, medeniyet, adetni bilüv, diniy maarif edi. Ve biz bu printsiplerni tutmalımız. Bizim bir birimizge yahşı munasebetimiz muabbet yaşağanımıznı bildire», – dep bildire Qırım müftiyatınıñ matbuat hızmeti Ponomarenkonıñ sözlerini.

Chelebicihan_Dua_Cankoy-3

Dua merasimi Küçük Alqalı (Zavet-Leninskiy) köy camisinde Canköy rayonı din cemiyetleriniñ teşebbüsi ile, Qırım ve Sevastopol musulmanları diniy idaresiniñ destegi ile keçirildi. Merasim Noman Çelebicihan yazğan «Ant etkenmen» qırımtatar gimninden başlandı.

Chelebicihan_Dua_Cankoy-4Chelebicihan_Dua_Cankoy-15

Bundan da ğayrı, merasim çerçivesinde professor, filologiya ilimleri doktorı İsmail Kerimov lektsiyanı keçirdi. O, Noman Çelebicihannıñ büyük mirası, onıñ yapqan işleri, qırımtatar halqı tarihında onıñ emiyeti aqqında añlattı. Bunen beraber İsmail Kerimov bildirdi ki, Noman Çelebicihan müzeyine qoşulacaq bir sıra malümatlar bar, ve bu işte yardım köstermege azır olğanını qayd etti.

Chelebicihan_Dua_Cankoy-9

Avdetniñ bildirgenine köre, Fevral 23-te Bağçasaraydaki Han Çayır qasabası camisinde 1918 senesi fevral 23-te vahşiycesine öldürilgen belli cemaat ve siyaset erbabı, müfti, «Ant etkenmen» qırımtatar milliy gimni sözleriniñ müellifi Noman Çelebicihannıñ hatırasına dua etildi.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET