Çonğarda tantanalı şekilde Qırımğa yayınlaycaq television ve radio qullesi açılacaq

16.03.20179:30

Mart 17-de Qırım ile memuriy sıñırğa yaqın yerleşken Çonğar köyünde television ve radio qullesiniñ tantanalı açılış merasimi keçirilecek.

Qulle yarımada territoriyasına ukrain telekanalları ve radio stantsiyalarınıñ yayınlavını yañıdan ömürge keçirmek içün tiklenildi.

Geniçesk rayon devlet memriyeti yolbaçısınıñ muavini Gulnara Bekirovanıñ sözlerine köre, televezion qullesi yanında onıñ quruvı yekünlengeni aqqında deklaratsiya taqdim etilecek. İş ziyareti çerçivesinde açılış merasimine kelmege planlaştırğan memurlar «Çonğar» kiriş-çıqış nezaret noqtasını ziyaret etecek, o yerdeki territoriyalarnı, «servis zonasını» ve nezaret noqtasını Ukraina sıñır ve gümrük hızmetleriniñ temsilcileri ile beraberlikte baqacaq, dep bildire«Qırım.Aqiqat».

Avdetniñ evel bildirgenine köre, televizion ve radio qullesiniñ yüksekligi 150 metrdir. Bu qulle vastasınen Herson vilâyetinde ve Qırımda gece-kündüz dört ukrain radiostantsiyası yayınlap başladı. FM-diapazonda yayınlav Canköy ve Kranoperekopsk rayonlarını, qısmen Aqmescit rayonını qaplap aldı. Televizion ve radio yayınlav meseleleri boyunca Milliy şura 2016 senesi dekabr 27-de Qırımğa yayınlaycaq dört radiostantsiyağa litsenziya berdi. Bu, Ukrain radiosı, yerli Herson radiostantsiyası, «Meydan» qırımtatar radiosı, «Qırım cemiyetleri radiosı» ola.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET