Yalıñız qalğan qırımtatar kişi Lenur Kemaldinov hastalığı ve fuqareliginen yüz-yüzge bir özü qaldı.
«Açıq yürekler» teşkilâtı göñüllileriniñ malümatına binaen, aqay kişi kimsege kerekmey qaldı. Bundan evel onı pervasız olmağan bir qoranta özüne alıp, baqa edi.
«Elinden kelgeninden ziyade yaptılar, ona para, vaqıt sarf etken ediler, onı tedaviylediler, vesiqalarnen bağlı meselelerde yardım ettiler. Amma onı daima baqıp olamazlar. Bunıñ içün cemaat qoşulmaq ve yardım etmek kerek», – dep çağırdı göñülliler.
Bu künleri Lenur Kemaldinov Aqmescit (Simferopol) 6-cı şeer hastahanesiniñ ekinci cerrahiyat bölügine tüşti.
«Biz birlik halqmız ve bizimkilerni belâda qaldırmaymız!» – dep emin olıp ayta «Açıq yürekler» taqımınıñ temsilcileri.
Aqay kişi 5-ci qatta 22-ci odada yata.
Avdetniñ evel bildirgenine köre, esli-başlı qırımtatar qadını az qazanıp, gazeta kioskında yaşamağa mecbur.
