Ağırayaqlı olğan vaqıtta kanser hastalığınen hastalanğan Sudaq sakini Gulnora Çolpuh bugünki künde paalı ilâcğa muhtac, amma qorantanıñ buña parası yoq.
Hatırlatamız ki, bir yıl evel qadın yardımğa muhtac olğanı aqqında ilân etildi. Gulnora Çolpuh çoqtan ana olmağa istegen edi, amma ağırayaqlılıq oña kanser hastalığını ketirdi. Ekimler ya Gulnoranıñ sağ qalması, ya onıñ balasınıñ sağ qalmasını saylamağa teklif etti. Yaş qadın balası yaşamaq kerek, dep qarar aldı. Keçken sene iyül ayında Gulnora hayırlısınen oğlunı doğurdı.
Amma onıñ hastalığı inkişaf ete. Qadın, közünde közyaş olıp, oña maddiy yardım etilmesini soray, çünki o, paalı ilacğa muhtac. «Açıq yürekler» qırımtatar göñüllileri içtimaiy ağlarda Gulnora Çolpuh ile videonı paylaştı.
Yardım etmege istegenler nevbetteki kartqa para yollay bile:
RNKB 2200020105952107 Çolpuh Gulnora Abdullayevna
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
