Keriç boğazında yahtanen kater çatışqanı neticesinde eki kişi elâk oldı (FOTO, VİDEO)

11.06.201712:37

Keriç boğazında «Solaris» kezüv yahtası «TK 0393» suratlı katernen çatıştı. İlk malümatlarğa binaen, zararlanğanlar bar.

Kerch.com.ru neşri, vaqia yüz bergen vaqıtta yalıda balıq tutqan balıqçınıñ sözlerine esaslanıp, bildire ki, kiçik beyaz qayıq yalı yanından yüksek suratnen keçti. Qayıq içindeki adamlar qıçırdı ve küldi.

Bu vaqıt, tahminlerge köre, içinde yedi kişi ve eki bala bulunğan «Solaris» yahtası qurulğan Keriç köprü boyu kezintiden yalığa qaytan edi.

Şaatlarnıñ tahminlerine köre, motor qayığınıñ kapitanı yahta yanında keçmege istegen, amma qayıqnı idare etip olamadı. Qayıq yahtağa yahşı etip uruldı, yahtanıñ diregi bozuldı, qayıq ise, avağa öyle uçtı ki, içindeki adamlar farqlı taraflarğa uçtı ve bir qaç adam suvğa yıqıldı. Şaatnıñ sözlerine köre, yahtanıñ eki yolcusı elâk oldı.

Baba ve oğlu Pervışovlar suv stantsiyası yanında balıq tutqanda katerniñ yahtanen çatışqanını kördi. Olar, yardım etmege başladı, bunen beraber, mahsus hızmetlerni çağırdı. Aqaylar eki yigitni ve ağırayaqlı qadınnı qurtardı. Tibbiy hadimler qadınnı sediye vastasınen alıp ketti, çünki onıñ areket etmege alı yoq edi. Qurtarılğan yolcular ve motor qayığınıñ kapitanı, şaatlarnıñ sözlerine köre, saruş edi. Olarnıñ üstünde qurtarıcı yelekler yoq edi.

Vaqia yalı zonasından 200 metr uzaqlığında yüz berdi.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

керчь1 керчь2 керчь3

Фото аватара

Автор: Редакция Avdet

Редакция AVDET