Keriç-Aqmescit yolunıñ tamirini bu sene yekünlemege söz bereler

07.10.201610:15
трасса керчь симферополь

Keriç-Aqmescit yolunıñ tamirini ve onıñ rusiyeli standartlarına uyğunlaştırılmasını 2016 senesi soñuna qadar yekünlemege söz bereler.

Bu aqta «Qırımda Yoldaş» («Sputnik v Krımu») radiosınıñ yayınında Qırım Cumhuriyeti Avtomobil yolları hızmeti müdiriniñ vazifesini vaqtınca eda etken İgor Kravçenko ilân etti.

Onıñ sözlerine binaen, bugün rusiyeli devlet standartlarına yolnıñ tahminen 60-70 fayızı uyğunlaştırıldı.

«Bu seneniñ soñuna qadar Aqmescitten Keriçke bütün yol tamamınen tamir etilecek. Şimdiki vaqıtta 5 qısımda işler alıp barıla. Seneniñ soñuna qadar 54 kilometr tamir etilecek», — dep işandırdı Kravçenko.

Bundan da payrı, müessiseniñ bildirgenine binaen, 2016 senesiniñ soñuna qadar bir sıra Qırım yollarınıñ tamir etilmesini yekünlemege planlaştıralar. Hususan, Aqmescit aylanma yolu — Yalta aylanma yolundan Kezlev şossesine qadar. Bunen beraber, Kravçenko ava limanına ve Aqmescit-Nikolayevka yollarınıñ tamir etilecegi aqqında işandırdı.

«İşni alıp barğanlarnıñ mesüliyet seviyesi pek yüksektir. Eki yıl içinde 16 büyük belli işni alıp barğan şirket endi mında çalışmay. Bundan da ğayrı, olar endi bütün Rusiye Federatsiyası territoriyasında çalışıp olamaz», — dep qoştı Kravçenko, bildire RİA Krım agentligi.

Фото аватара

Автор: Редакция Avdet

Редакция AVDET