Sentâbrniñ 17-de Qarasuvbazar rayonınıñ Muşaş (Vişennoye) köyünde yaşağan semetdeşlerizde küçlü yel ev damını alıp ketti.
Saledinovlarnıñ qorantası çaresi olğanlarğa yardım etmege rica ete.
«Dostlar, kimniñ çaresi olsa, yardım etmeñizni rica etemiz!!! Para soramaq ayıp, amma vaziyet ağır. Yerli akimiyet bizim alımızğa qulaq asmay! Evimizniñ damını küçlü yel alıp ketti. Tamir etmege para yoq!», — dedi Seydamet Saledinov.
Qorantağa yardım etip olacaq insanlar Saledinova Leyla Serverovnanıñ bank esabına para yollay bileler. Kartanıñ raqamı 6054 7000 1137 0589.