Ukrainada Litvaniya elçisi Marius Yanukonis dünya paytahtlarında – Vaşington, Berlinde ve digerlerde – qırımtatar temsilciliklerini tesis etmege teklif etti.
Bu aqta o, mayıs 29-da Qırımda yaşağan qırımtatarlarğa bağışlanğan halqara konferentsiyada sözde bulunıp, bildirdi.
Amerika Birleşken Ştatlarında Litvaniyanıñ sabıq elçisi Zigmantas Pavilonis konferentsiyada bu teklifke qol tuttı, amma qayd etti ki, «bu, Qırımda qırımtatarlarnıñ vaziyeti aqqında añlatacaq malümat merkezleri olmalı».
Onıñ sözlerine köre, noyabr 7-de Amerika Birleşken Ştatlarında kommunizm qurbanlarına bağışlanğan merasimler keçirilecek. O, qırımtatarlarnıñ «kommunizm qurbanları» olğanını ayttı ve qayd etti ki, olar «fırsatnen faydalanıp, o yerde numayışnı keçirmeli», dep bildire «Qırım.Aqiqat».
Hatırlatamız ki, Qırımda yaşağan qırımtatarlarğa bağışlanğan halqara konferentsiya Litvaniya Seyminde keçirile.
İçtimaiy ağlarda Facebook, Vkontakte,Odnoklassniki saifelerimizge, bunen beraber,Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
