Aprel 24-te Qırım Yuqarı mahkemesi qırımtatar faali Ahtem Çiygozğa nisbeten cezalavnı ev yaqalanuvına deñiştirmekni red etti.
İmaye tarafı mahkemeniñ böyle qararınıñ «ırq ayırımı» olğanını ayta, bunı Çiygoznıñ adliyecisi Nikolay Polozov Facebook saifesinde paylaşqan video muracaatında bildirdi.
«İmayeniñ fikrince, Birleşken milletler teşkilâtı Halqara mahkemesiniñ qararı doğrudan-doğru «Çiygoznıñ işi» ve «fevral 26» işine bağlı. Mahküm etilgenler arasında tek qırımtatarlar oldı, belli ki, bu vaqialarda çeşit milletler temsilcileri iştirak etti. Bu vaqialardan bir qaç kün evel halq göñülliler quvetlerini qırımtatarlar degil de, Qırım samooboronasını qırımtatarlar degil de, başqaları teşkil etti, qarşı taraftakilerni faal areketlerni qırımtatarlar degil de, başqaları ettire edi…», – dep ayttı Polozov.
Avdetniñ evel bildirgenine köre, Ahtem Çiygoz Aqmescit SİZO-sında 2015 senesi yanvar ayından başlap buluna, o, Rusiye Federatsiyası Cinaiy kodeksiniñ 212 maddesi 1-ci qısmı («kütleviy nizamsızlıqnı teşkil etüv») boyunca qabaatlana, madde boyunca qabaatlanğan kişi 10 yılğa qadar apiske qapatıla bile.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
