«Metro» ve «Auchan» şirketleriniñ ketkeni aqqında Qırım ükümetiniñ haberi yoq

08.10.201613:00
ашан

Qırım ükümetine yarımadada «Metro» ve «Auchan» büyük ecnebiy ticariy şirketleriniñ faaliyeti toqtatılması aqqında malümat kelmegen edi.

Bu aqta Qırım ükümetiniñ baş nazir muavini Yuriy Gotsanük bildirdi.

Bundan evel «Metro» ve «Auchan» ticaret ağları yarımadada faaliyetini toqtatacağı aqqında malümat peyda oldı.

«Ketecekleri aqqında malümat almağan edik, böyle bir şey eşitmedik. Men ilk sefer bunı eşitem. Bilem ki, olar bugün çalışa, olarğa çoq adam kele», — ayttı Gotsanük, dep bildire «RİA-Krım» agentligi.

«Metro» ve «Auchan» büyük gipermarketleri Qırımda işini Rusiyege qoşulmazdan evel başladı. Gipermarketler ecnebiy ticaret şirketleri ağınıñ bir qısmı ola.

Avdetniñ evel bildirgenine köre, yaqın zamanda Qırımdan «Silpo» supermarketi ketti, onıñ yerinde Aqmescitte sabıq Merkeziy universal tükânı binasında endi «Assorti» supermarketi çalışa.

Фото аватара

Автор: Редакция Avdet

Редакция AVDET