Qırım adliyecisi Edem Semedlâyevniñ evine belli olmağan şahıslar kirmege tırışa.
Bu aqta onıñ zenaatdaşı Emil Kurbedinov Facebook saifesinde yazdı.
«Özüni bergi hızmetiniñ hadimleri olaraq tanıtqan nasıldır adamlar, Edem Semedlâyevniñ ketkenini bekledi ve endi onıñ evine kirmege tırışa. Evde apayı ve dört balası bar. Men Mıkola Semenanıñ davası boyunca toplaşuvdam», – dep yazdı Kurbedinov.
Onıñ apayı Elvina Semedlâyevanıñ malümatına binaen, bergi hızmetiniñ hadimleri olaraq özüni tanıtqan şahıslar müdirniñ avalesi ile şahsiy musafirhaneni teşkermek içün keldi. Amma Semedlâyevlerniñ evinde iç musafirhane yoq.
Belli ki, Edem Semedlâyev qırımtatar faalleri ve «Hizb ut-Tahrir» işi boyunca yaqalanğanlarnıñ imayecisi ola.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
