Qırım sıñırında, sıñır zonasındaki havfsızlıq suniy operatorınıñ bir qısmı olaraq, şahıslarnıñ belgilenmesi boyunca yañı tehnologiya işlep baqılacaq.
Bu aqta (RF — muar.) Perspektiv tedqiqat fondunıñ baş müdir muavini – malümat tedqiqatı bölüginiñ idarecisi Sergey Garbuk ilân etti.
İşbu tehnologiya Qırımda mürekkep vaziyetlerde şahıslarnı belgilemek içün işlep baqılacaq. Garbuknıñ sözlerine binaen, tahminlerge köre, bu tehnologiya sıñır hızmeti hadimleri içün, bu cümleden, halqara ya da federal qıdıruvda bulunğan şahıslarnı belgilemek içün kerekli olacaq.
«Ekinci yöneliş – uçucısız uçqan aletler ve kâinat cihazları malümatınıñ işletilmesidir. Ve üçüncisi – adamlarnıñ areket tarzını teşkerüv meseleleriniñ çezilmesi, qanunsız niyetleri olğan vatandaşlarnıñ belgilenmesidir», – dep ayttı Garbuk.
Perspektiv tedqiqat fondunda tedqiqat leyhasınıñ 2017 senesi yekünlenmesi planlaştırıla. Bundan evel Rusiye Federatsiyası ükümet reisiniñ muavini Dmitriy Rogozin Qırımda havfsızlıqnen teminlev eñ yañı vastalarnıñ işlep baqılması içün poligonnıñ teşkil etilmesi aqqında bildirgen edi.
