Qırım yolları eñ havflı yollar cedveline kirsetildi

11.02.201717:20

«Rusiye yollarınıñ havfsızlığı içün» regionlarara cemaat merkezi Qırım yollarınıñ vaziyeti yeterli qadar havfsız olmağanını saydı.

2016 senesi netice cedveline köre, Qırım 52 satırdan 41-cisinde yerleşti.

«Reyting formulası tizilgende region eali (1 milliondan ziyade insan), qazalar miqdarı, yaramay yollarda qazalarda zararlanğan ve elâk olğanlarnıñ sayısı, regionnıñ yollar uzunlığı (5000 kilometrden ziyade) ve avtopark büyükligi köz ögüne alınğan», – dep añlatalar RCM-niñ matbuat hızmetinde.

Formulağa köre, koeffitsient 1-den az olğan regionlar havfsız sayıldı, 1-den 2-ge qadar – yeterli qadar havfsız, 2-den ziyade – havflı regionlardır. Qırım Sverdlovsk vilâyetinen beraber 1,92 baa aldı, dep bildire «Novosti Krıma».

Eñ havfsız yollar Tomsk, Novosibirsk ve İvanovo vilâyetlerinde, Udmurtiya ve Çeçenistandadır. Eñ havflı vaziyet Moskva ve Çelâbinsk vilâyetlerindedir.

Telegramda kanalımızğa qoşulıñız ve eñ aktual ve meraqlı malümatlardan haberdar oluñız

Фото аватара

Автор: Редакция Avdet

Редакция AVDET