Qırımda yarımada ealisi içün elektrik energiyası fiyatları er yarımyıl 15-er %-ğa ve sanayı içün 6-er %-ğa yüksele bile.
Bu aqta ТАSS agentligi bildire.
Rusiye Energetika nazirligi emir leyhasını azırladı, vesiqağa binaen, Qırım ve Aqyar, elektrik energiyasınıñ serbest keçirilmesi zonaları terkibine kire.
Rusiye elektrik energiyası kötere bazarı dört zonağa bölüngen. Birinci fiyat zonası Rusiyeniñ merkeziy ve cenübiy qısmında yerleşe.
Qırımda, 2016 senesi baarinde rusiyeli energetik köprüniñ üçünci yipi açılğanına baqmadan, yarıq söndürilmege devam ete. 2015 senesi dekabr ayından başlap, Qırımğa Ukraina qıtaiy qısmından elektrik energiyası keçirilmesi toqtatıldı. Şimdiki vaqıtta Qırım şahsiy generatsiyası, Rusiyeden generator aletleri vastasınen ve Kubanden energetik köpründen elektrik energiyasınen teminlene.
