Tünevin, 8 avgust künü, Qırımnıñ cenüp yalısındaki Foros rayonındaki bala lagerinden yanğın sebebinden ballarnı acele surette tahliye ettiler.
Öz közünen körgen adamlarnıñ aytqanına köre, kemping yana edi. Başqa malümatlarğa köre, yanğın maşnalar bazası yerinde, ustahanede başlağan.
Yanğın tütüni Yaltanıñ farqlı taraflarından körüne edi. Keskin yel sebebinden qurtarıcılarnıñ vazifesi ağırlaştı, amma kimse zararlanmadı, yanğın söndürilgen edi.
Qırım fevqulade vaziyeti nazirliginiñ matbuat hızmetinde haber etkenlerine köre, vaziyetni kontrol altında tutalar. Yanğın meydanı 365 kv metrden ibarettir – üç küçük ev ve etrafındaki quru ot yana edi. Zarar körğenler yoq. Ballarnı lagerden tahliye ettiler.
Yanğın sebepleri ögrenile. Yanmağa başlağan binalar kimge ait olğanı belli degildir.
Avdet haber etkenine köre, 5-6 avgust künleri Sudaq etrafında Qapsihor (Morskoye) köyünde dağ yanğını başlağan edi. Onı eki kün toqtatıp olamadılar.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
