Qırımda acele vaqialar ve suvuqlar vaziyeti ola bilecegi içün, elektrik energiyası mahsus söndürilmesi cedveli işlep çıqarıldı ve tasdıqlandı.
Bu aqta Devlet dumasınıñ energetika boyunca komiteti azası, Qırım ükümetiniñ sabıq baş naziriniñ birinci muavini Mihail Şeremet bildirdi.
«Yarıq söndürilmesi cedvelleri tasdıqlandı, amma söz berem ki, bu, içtimaiy taraftan müim olğan obyektler ve ealige tiymesin dep, elimizden kelgenini yaparmız. Cedveller, tek elektrik energiyası qullanması eñ töpe noqtasında yetse, ava arareti pek tüşse, işke tüşürilecek», – dep ayttı Şeremet.
Bunen beraber deputat qayd etti ki, esasen yarıq elektrik energiyasını çoq qullanğan büyük işhanelerde söndürilecek, bunıñ içün eali ve Qırımda yañı yıl bayramlarını qayd etmege istegem yarımada musafirleri elektrik energiyası söndürilmesinden raatsız olmamalı.
Şeremetniñ sözlerine binaen, cedveller Qırım yolbaşçısı tarafından tasdıqlanğan ve resmiy saytlarda yerleştirilgen.
