QirimJr (Qırım Cünior) balalar içün sayt: ana tilini oynap ögrenmege mümkün

07.11.201711:49

Bir yıl evelsi, 2016 senesiniñ 1 sentâbr künü, öz işini QirimJr (Qırım Cünior) saytı başladı. Bir sene keçkeninen leyhanıñ taqımı Avdetke, yapqan işleriniñ neticeleri aqqında ayttı ve kelecekke qurğan planları ile paylaştı.

Leyhanıñ çalışıp başlağanında, olarda tek 10 oyun, masal ve şiirler bar edi. Bugünki künde ise, sayıtta 130 oyun, masal, şiirler ve karaoke – yırları bardır.

«Bu yıl pek semereli edi ve biz bir çoq iş yaptıq. İşimizni em ballar, em de büyükler bilsin ve krsin, dep 2017 senesiniñ qış aylarında özümizniñ YouTube kanalımıznı açtıq, anda saytnıñ er bir qısmından videolar bar», — dep ayttı, leyhanıñ müelliflerinden biri olğan Susanna Cemileva.

Onıñ aytqanlarına köre, 2017 senenisiniñ avgust ayından berli, Meydan FM radiosı QirimJr saytında yerleşken malümatlarnı qullana. Olarnı  radio, «Tılsımlı masal dünyası» programmasınıñ efirinde qullana (efirde bazarertesinden cuma kününe qadar, saat 20.30).

Ondan da başqa, Lâle adlı birinci balalar telekanalı, er iş künü saat 9.00, 12.00, 13.00 andan roliklerni köstere.

«Bizler ögümizge qoyğan vazifemiz, ösip keleyatqan nesil ve olarnıñ ana – babalarına daa faydalı olmamızdır. Yani, birinciden, bizler ballarğa qırımtatar tilinde oyunlarnı uydurmağa devam etemiz; kiçiklerge sade esapqa ve mantıqqa oyunlar uyduramız; kiçik sınıf talebelerine ise, başlanğıç ingliz tili derslerini azırlaymız», — dep haber etti Susanna Cemileva.

«Ebabil» bölügini keñleştirmek içün, QirimJr taqımı, genç şairlerni olarnen bağlanmalarını rica ete.

«Bizim maqsadımız, «Ebabil» bölügini ballar, ana – babalar ve ocalar içün körgezmeli olğanını köstermektir. Balalar içün ne qadar çoq eserler yaratılğanını köstermege isteymiz, milletimiz bularnen ğururlana bile», — dep qayd ete leyhanıñ ilhamlandırıjdısı.

Leyhanıñ teesisçileri aytıp bergeni kibi, olar «Bayquş» serlevalı bölükke de balaban diqqat ayırğanlar. 2017 senesiniñ sentâbr ayından başlap, leyha müellifleri, masallar canlı olmaq kerekligini ayttılar ve olarnı belli bir mültfilimlerge çevirmek kerek olğanını qayd ettiler.

«Bizim taqımımız, tasil saasında çalışqanlarğa – başlanğıç sınıf ocalarına, bala bağçalarını terbiyecilerine,  muracaat etmege istey. Ürmetli ocalar, bizi taqımımız azırlağan materiallarnı baqıñız. Talebeleriñizge bizim sayt aqqında aytıp beriñiz, materiallarımıznı derslerde ve olardan tış meşğuliyetlerde qullanıñız. Ev vazifesi olaraq, saytımızdan bir masalnı, ya da şiirni diñlemege beriñiz. Bizde mektep programmalarında ögrenildgen eserleriniñ çoqusı endi bar. Eger de mektep çağına daa yetmegen ballar, mektep programmasında olğan eserlerni diñleseler, bu ileride olarğa qolaylıq berer. Sizlerden de qıymetli ve ikmetli tefsiyeler bekleymiz», — dep hitap QirimJr.

YouTube kanalında.

Facebook saifesinde.

Qirim.Online içtimayi ağında gruppa.

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

 

Фото аватара

Автор: Редакция Avdet

Редакция AVDET