Qırımtatar qorantası acele yardımğa muhtac

13.01.20179:06

Dört adamdan ibaret olğan qoranta acele yardımğa muhtac. Ailede kiçik saqat bala ve infarkt keçirgen aqay kişi bar.

Qoranta Yaltanıñ yataqhanelerinden birinde yaşay. Bir yarım yaşındaki balanıñ anası olğan yaş qadınnıñ aqayı qorantadan ketti. Bala baş miyi kistasınen doğdı. Balağa ameliyat şimdilik yapılmaycaq, onıñ alı nezaret etile, o, nevropatolognıñ qaydınde ola. Qadın ana-babasınen qaldı. Dört yıl evel aile büyük qızını coydı: o, bala doğurğanda balasınen beraber elâk oldı. Qorantanıñ yekâne baqıcısı qartbaba edi, amma yaqında o infarkt keçirdi ve paalı ilâclarğa muhtac. O, sağlıq alı sebebinden çalışıp olamay. Aqay kişi bütün ömür boyunca ilâc içmeli, er ilâc paketi sekiz künge yete.

«Açıq yürekler» qırımtatar göñüllileri bu malümatnı yerleştirip, qorantağa yardım etmege çağırdı ve kerekli ilâclarnıñ cedvelini paylaştı:

  1. Preduktal 35
  2. Klopidogrel 75.
  3. Aspirinkardio

Balağa da daima içilecek ilâclar yazıldı:

  1. Tserakson
  2. Pantogam
  3. В6 vitaminleri.

Bunen beraber, göñülliler qayd etti ki, balanıñ resmiy olaraq saqat tanılması ve alâqalı nefaqat berilmesi aqqında mesele alâ daa çezilmegen.

лекарства1

лекарства2

лекартсва

Фото аватара

Автор: Редакция Avdet

Редакция AVDET