Qırımtatar yaşları 94 yaşındaki bitağa yardım kösterdi

11.04.201717:15

Qırımtatar yaşları teşebbüs taqımı yaramay şaraitte yaşağan 94 yaşındaki bitağa yardım etti.

Bundan evel içtimaiy ağlar qullanıcıları 94 yaşındaki Anife bita yaşağan şaraitten şaşqanı aqqında haber etilgen edi. O vaqıt qırımtatar göñüllileri vatandaşlarnı faqır qorantağa yardım etmege çağırdı. Aile Aqmescit (Simferopol) rayonındaki Mamut Sultan (Dobroye) köyünde suvuq evçikte yaşay. Evde suv, gaz yoq. Adamlar odalarnı eski soba vastasınen qızdıra, bundan sebep ev tumanğa tolu.

Yaşlar bita yaşağan odada yaşama şaraitini eyileştirmege qarar aldı. Lâqayt olmağanlardan kimse linoleum, kimse kilim berdi, bazı şeylerni gençler öz paranen aldı. Göñülliler vatandaşlarnı yardım etmege çağıra. Tamir alıp barılğanda belli oldı ki, daa gaz ballonı ve plita kerek.

«Aramızda qarşılıq bergen, merametli, mesüliyetli adamlar bar olğanından quvanamız! Maşallah!» – dep ayta göñülliler.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

волонтеры

волонтеры1

волонтеры2

волонтеры3

волонтеры4

Фото аватара

Автор: Редакция Avdet

Редакция AVDET