Qışta Qırımnıñ dağ yollarında taş tüşmesiniñ ihtimalı bar

27.10.201714:18

Yalı boyunda yerleşken dağ yollarında yürgen Qırım musafirleri ve sakinleri, er bir daqqa içinde taşlar tüşmesiniñ qurbanları ola bileler.

Bu haberni «Krımspetsgeologiya» müessisesi bildirdi.

Şimdi Qırımda, er 13 – 16 yıl içinde olıp keçken topraq tayması zamanınıñ eñ aktiv vaqıtıdır. Ve mütehassıslarnıñ aytqanlarına köre, eñ telükeli zamanı 2017/18 senelerniñ qış aylarına kelecek. Qırımnıñ cenübiy dağ qısmında Lukull burnundan Kefege qadar 1500 qadar böyle meydançıqlar bar. Olardan 250-si, bugünki vaqıtta, yalı boyu yollarına tökülip, olarnı bozalar.

Qırım Cumhuriyetiniñ araba yolları hızmetiniñ haber etkenine köre, topraq tayğan yerlerden 37,2 km. Aqmescit – Yalta ve Yalta Aqyar yolları keçe.

Qırım Cumhuriyetiniñ araba yolları hızmeti, peyda olğan vaziyette çalışma programmalarını işlep çıqarğanına qadar, vaziyetni yengilleştirmek içün. Yılnıñ soñuna qadar, taş tutucı qoyacaq olalar. Bu Yalta – Aqyar, Livadiya – Simeyiz ve Aqyar – Aluşta – Yalta yollarındaolacaq. Bu işlerge endi 5 million ruble ayırıldı. İşçiler 639 metr taş tutucılar yasaycaqlar ve 308 tonna taşlarnı dağ –qırlardan temizlep alacaqlar. Amma Qırım içün bu işler bayağı az.

Qırım başı Sergey Aksönov aytqanına köre, üç yıl içinde araba yollarınıñ yasalmasına ve tamir etilmesine 25,5 milliard ruble ayırılacaq. Amma dağ taşlarını temizleme ve olardan qorunma işlerine ayırılacaq ahçalar aqqında bir şey belli degil. Araba yolları hızmetiniñ sayip çıqqanına köre, bu işlerge 19 milliard ruble kerek.

Yollarnıñ eñ havflı yerleri:

  • K-002 Yalta – Aqyar federal emiyetini taşığan trassada, 4-nci ve 64-nci killimetrleri. Bu sene eki kere endi taşlar tayması olıp keçti. Taş tüşme telükesi saqlanıp qalmaqta.
  • K-002 Gonçarnoye – Yalta yolu, 17-nci km. Taş tüşmesi er küçlü yağmurdan soñ olıp keçe. Balaban taşlar ise, yoldan keçip, mesken evlerge qadar yete.
  • Bağçasaray – Yalta yolu, 50 km. Ay – Petriniñ tübünde, dağda balaban çatlaqlar körüne, olar er añ taş taymasınen yekünlene bile.
  • Bağçasaray – Yalta yolu, 52 km. Dağnıñ bir capı eşile. Onıñ üstünde Qırmızı kitapqa kirsetilgen Qırım çamı öse, dep haber ete «Krımskaya gazeta».

İçtimaiy ağlarda FacebookVkontakteOdnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.  

 

Фото аватара

Автор: Редакция Avdet

Редакция AVDET