Delil 1. Qurban-bayram, arabça İd al-Adha, Saudiya Arabistanında yerleşken musulmanlar içün muqaddes yerlerge ziyaretni bitirmek demektir. Bayram arfesinde acılar Arafat dağına köterileler, qurban çalınğan künü ise, sanki şeytan qırılıp, Mekkedeki Kâbe taşı etrafında tantanalı yürüş ola.
Delil 2. Qurban-bayramı Oraza-bayramından 70 kün keçken soñ, yani musulman taqvimi boyunca on ekinci aynıñ onuncı künü qayd etile.
Delil 3. Bayram dört kün dеvam ete.
Delil 4. Bayramnıñ manası Mina vadiysinde qurban ketirmekte. Amma episi musulmanlar Mekkege acılıqqa barıp olamağanları sebebinden, Şariat boyunca, o ne yerde bulunsa, o yerde qurban çalmaq aqqı bar.
Delil 5. Qurban ketirilgen ayvannıñ körülgen husurları olmamaq kerek. Qoynıñ yaşı 6 aydan az olmamalı, eçki ve buzav – 2 yaşından az olmamaq kerek.
Delil 6. Şariat boyunca, Qurban çalınğan ayvannıñ eti üçke bölüne: bir qısmı fuqarelerge, ekinci qısmından musafirlerge ziyafetler azırlana, üçüncisini musulman özüne qaldırmaq kerek.
Böyle etip, Qurban ketirilgen ayvan tek musulmannıñ ruhiy temizligi degil de, bir qaç vaqıt muhtaclarğa aş olaraq hızmet ete.
Delil 7. Musulmannıñ yaşağan yeri ve milliy aşlarnıñ hususiyetlerine baqmadan, bu künleri etten çoq aşlar pişirilip, tatlılıqlar ile sofralarnı toldurmaq kerek.
Delil 8. Qoy ya da eçkini bir insan, sıqır, boğa yada deveni yediden ziyade insan qurban ketire bile.
Delil 9. Muhammed Peyğamber Qurban bayramını episi musulmanlar içün büyük bir bayram olaraq belgiledi.
Delil 10. Qurban bayramı camilerde saba ötkerilgen bayram namazından soñ qayd etilip başlay. Qabristandan qaytıp kelgen soñ, musulmanlar allağa emanet etmege azır olğannıñ delili olğanını bildire.
Foto: Rudem Şabadin
