2018 senesi Rusiyeniñ nezaret komiteti, Facebook içtimayi ağını qanunğa uyğunlığını teşkerecek.
Bu aqta idareniñ başı Aleksandr Jarov haber ete.
Facebooknıñ temsilcilerine keçirilgen körüşivge baqmadan, «nezaret tedbirleri» ille de keçirilecek, dep ayttı Jarov. Olar Rusiyege dekabrniñ soñuna, yanvarniñ başına kelmege isteyler, dedi Jarov.
Eger bu şirket, şahsiy malümatlarnı saqlamaq aqqında qanunnı yerine ketirmese, Facebook içtimayi ağı Rusiyede qapatılacaq, degen edi Jarov sentâbr ayında. Onıñ aytqanlarına köre, içtimayi ağınıñ temsilcileri Rusiye nezaret komitetine, bu qanunnı yerine ketirme variantları ögrenile, dep aytalar.
Şahslar aqqındaki qanun, rusiyelilerniñ şahsiy malümatlarını memleket içinde saqlanmaq kerekligine mecbur ete. Bu qanunğa boysunmağan saytlar, nezaret komiteti tarafından, mahsus reyestrge kirsete, ve qanunğa boysunmağan vaqtında olarnı bloklay.
Keçken sene bu idare LinkedIn ağını blak yapqan edi.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
