Seitler (Nijnegorskoye) rayonınıñ Caytamğalı (Yemelyanovka) köyünde, tünevin gece, yanğın oldı. Onıñ neticesinde 28 tonna piçen ve toban yanıp ketti.
Qurtarıcılarğa, toban ve piçen yanğanı aqqında haber geceniñ yarısında keldi.
Yanğın zamanında balaban tütün köterildi. Bir saat içinde qurtarıcılar, yanğınnı söndürdiler ve başqa evlerge tarqalmağa bermediler.
Zararlanğanlar yoq. Yanğın 75 kare metr meydanlığında oldı. Alev peyda olğan sebeplerini mütehassıslar ögrene. Soñki eki afta içinde, Seyitler rayonında bu endi ekinci balaban yanğın. Avdet haber etkeni kibi, mında Karamin (Mihaylovka köyünde, çoq qatlı evde yüz bergen yanğın neticesinde eki insannı qurtarğan ediler.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
