Taqiqat komiteti Seyitlerde (Nijnegorskiy) 19 yaşındaki Diana Basirovanı, sarhoş olıp, maşnanen urğan Viktoriya Marçenkoğa qarşı cinaiy iş açtı.
İçki işler nazirliginiñ yerli bölüginiñ politsiya kapitanı Marçenkonı Rusiye Federatsiyası Cinaiy kodeksiniñ 264 maddesiniñ 4-ci qısmı «İnsan ölüminen neticelengen, sarhoş şahıs tarafından yol areketi qaideleri ve naqliye vastasını qullanuvı bozuluvı» boyunca qabaatlana.
Qırım Cumhuriyeti İçki işler nazirliginiñ matbuat hızmetiniñ bildirgenine köre, politsiya hadiminiñ qabaatı tasdıqlansa, o, içki işler organlarından işten boşatılacaq, onıñ müdirleri ise intizam mesüliyetine celp etilecek.
«Aleksey ve Viktoriya Marçenkolar Qırım Seyitler rayonınıñ İçki işler bölüginde hızmet etkende tanış oldı. 2010 senesi o, bölük politsiya hadimi olaraq çalışa edi, qız ise aliy oquv yurtını bitirip, rayon politsiya bölügine taqiqatçı vazifesine kirdi. 2015 senesi olar evlenmege qarar aldı. Bundan soñ Aleksey kapitan unvanını ve Yol areketi havfsızlığı devlet inspektsiyası bölüginiñ memuriy qanunlarını ömürge keçirüv boyunca inspektor vazifesini aldı», – dep aytıla Qırım Cumhuriyeti boyunca İİN saytındaki politsiya hadşmleriniñ qorantalarına bağışlanğan maqalede.
Avdetniñ evel bildirgenine köre, facialı qaza mart 7-de aqşam Qalay-Seyitler (Azovskoye-Nijnegorskiy) yolunda yüz berdi. 19 yaşındaki qırımtatar qızı Diana Basirova, şaatlarnıñ sözlerine binaen, vahşiycesine maşnanen uruldı. Onı 50 metr mesafede taşıdılar.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
