Tamir işlerini yapqan hadimler Keriç yolunda gaz borusını bozdı

12.03.201717:15

Yol hızmeti hadimleri, federal yolda tamir işlerini yapıp, Keriçte Kulakov (Kapkanı) soqağı rayonında gaz borusını bozdı.

Bu aqta şeer memuriyeti yolbaşçısı Vladimir Podlipentsev Facebook saifesinde bildirdi.

«İşbu vaqia saba tahminen saat 8-de yüz berdi. Obyektke «Krımgazseti» müessisesiniñ Keriç gaz hocalığı qullanuvı boyunca idaresiniñ hadimleri ve yolbaşçıları keldi. Tamir işleri alıp barıla», – dep yazdı şeer yolbaşçısı.

Onıñ malümatına binaen, kün devamında gaz borusı tamir etilecektir.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET