Yalta hastahanesinde 10 aylıq bala berilgen ilâclardan elâk oldı

02.06.201719:22

Yalta Taqiqat bölügi «1 sanlı Yalta şeer hastahanesi» devlet sağlıq saqlav müessisesinde 10 aylıq bala elâk olğanı içün cinaiy iş açtırdı.

Bu aqta Rusiye Taqiqat komitetiniñ Qırım Cumhuriyeti boyunca baş taqiqat idaresi bildirdi.

«Taqiqatnıñ malümatına binaen, 2017 senesi mayıs 19-da «1 sanlı Yalta şeer hastahanesi» devlet sağlıq saqlav müessisesiniñ tibbiy hadimleri zenaat vazifelerini yañlış yapqanları neticesinde 10 aylıq bala elâk oldı», – dep añlattılar taqiqat idaresinde, ve qayd ettiler ki, mahkeme-tibbiy araştırmalarğa binaen, bala oña yinelengen ilâclardan anafilaktik şok olğanından vefat etti.

Vaqia boyunca bir sıra mahkeme ekspertizaları keçirilecek, dep bildire «Novosti Krıma».

İçtimaiy ağlarda Facebook, Vkontakte,Odnoklassniki saifelerimizge, bunen beraber,Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET