Yaltada barak tipindeki evde, yanğın vaqıtında bir insan öldi, ekisi zarar kördi.
Bu aqta Qırım boyunca Rusiye Fevqulade Vaziyeti Nazirliginiñ (MÇS) matbuat hızmeti haber ete.
«Yalta yangıncıları tütün ile tolu ev, odalarnıñ araştırmasını yaptılar, neticede üç zarar körgen insannı taptılar, olardan birisi pek zararlanıp, ölgen. Eki qurtarılğan insan – 62 ve 82 yaşlı qadınlar acele yardım işçilerine teslim etildiler», – dep bildirile.
Matbuat hızmetiniñ bildirgenine köre, yangın bugün saat 1.00 baraq tipli eki qatlı evde olğan. Evniñ damı yanmağa başlağan ve ateş pek tez qalğan evlerge de darqalğan. Yalta şeeriniñ acele hızmet hadimleri evniñ bütün sistemalarını söndürdiler, MÇS hadimleri ise yanğın noqtasına barmaq içün damnıñ yapısını bozmaq mecbur ediler.
Ateş üç kvartira ve 100 kv. metrlik damını yoq etti, daa üç kvartira ateşten zarar kördiler. Mütehassıslar yangın sebeplerini ögreneler.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
