Bu sene Kezlev (Yevpatoriya) şeer plâjları içün deñiz otunıñ (kamka) balaban obaları büyük sıqıntı oldı. Yalıda olar deñiz furtunasından soñ çoqlaştılar.
Bu aqta şeer memuriyetiniñ matbuat hızmeti haber ete.
«Çoqusı merkez plâjlarında kiracılar deñiz otunen tez baş etebildiler», – dep bildirile haberde.
Matbut hızmetiniñ malümatına köre, «Akvatoriya» plâjında bir qaç kün içinde 200 tonna deñiz otunı topladılar. Bu işlerde onlarnen adam iştirak etti. « Deñiz otunı toplap, onı kerek olğanı kibi, yalıdan 900 metr uzaqlığında deñizge çıqardılar», – dep qayd eteler memuriyette.
Zaozernoye köyüniñ plâjlarını daa temizlemege yetiştirmediler. «Bu yerde plâjlarnı temizleme suali pek kergin tura. Deñiz otunıñ keñligi 8-12 metrni teşkil ete. Kiracılar öz başına olarnı toplap olamaylar. Olarnıñ merkez şeer plâjlarında kibi kelirleri yoqtır. Bu sualniñ çezilüvine munitsıpal hızmetleri qoşulacaq», – dep haber etti matbuat hızmeti.
Şeer akimiyeti mesele çezilmegen regionnıñ bütün plâjlarını temizlemege talap etti.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
