Yuliya Samoylova «Eurovision-2017» yerine mayıs 9-da Aqyarda keçirilecek kontsertte iştirak etecek

25.04.201716:45

Rusiyeli yırcı Yuliya Samoylova «Eurovision-2017» halqara yarışında iştirak etmek yerine mayıs 9-da Aqyarda (Sevastopol) keçirilecek Ğalebe kününe bağışlanğan kontsertte iştirak etecek.

Bu aqta Aqyar şeeri Baş medeniyet idaresi müdiriniñ vazifesini eda etken Larisa Dudkina bildirdi.

«Elbet, Ğalebe künü Yuliya Samoylova Aqyarğa kelecek, – dep qayd etti Larisa Dudkina. – Kontsertke faal şekilde azrılanamız. Samoylova şeerimizni Aqyar akimiyetiniñ teşebbüsinen ziyaret etecek. Muzakereler alıp barılğan edi, işte bular muvafaqiyetli oldı», – dep añlattı Dudkina.

Bu malümatnı Yuliya Samoylovanıñ kütleviy haber vastaları ile alâqa boyunca müdiri Yelena tasdıqladı. Lâkin, onıñ sözlerine köre, şeer akimiyeti ile añlaşma daa imzalanmadı, dep bildire «Krımskaya gazeta».

Avdetniñ evel bildirgenine köre, Ukraina Havfsızlıq hızmeti «Eurovision-2017» yarışınıñ iştirakçisi Yuliya Samoylovanıñ devletke 3 yıl müddeti devamında devletke kirişini yasaq etti. Bundan soñ Avropa yayınlav birligi resmiy olaraq ilân etti ki, Rusiye «Eurovision-2017» halqara yır yarışında iştirak etmeycek. Bundan evel Rusiyede er sene «Eurovision» yarışını yayınlağan «Birinci kanal» bunı 2017 senesi yapmaqnı red etti.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET