Milliy medeniyetimizniñ zemaneviy durumı. Medeniyetimiz ileriley ve inkişaf ete, dep olamızmı? Ya da qırımtatarlar ale daa keçmişni hatırlap oturalarmı? Avdet, bu suallerge cevapnı, qırımtatar cemiyetcilerine bermege rica etti.
Cevabı pek sade. Bugünki künde olğan medeniyetimiz, bu 234 yıl içinde olıp keçken vaqiya ve adiseleriniñ neticesidir. Medenieytimizniñ alını ve inkişafını añlamaq içün ise, medeniyet ne olğanını ve neden kelip çıqqanını añlamaq kerek. Bunıda añlamaq pek sadedir, çünki medeniyet – bu halqımıznıñ dünyabaqışı neticesidir.
Keçmiş aqqında aytacaq olsaq, o zaman er şey islȃmğa esaslanğan edi, demek, bütün medeniyette o seviyede edi. Soñki 234 yıl içinde ise, dünyabaqışımız, çoqusı allarda dinden qopup, dünyaviy olğandır. Endi, ise, islȃmğa esaslanğan medeniyetimizni inkişaf ettirmege isteymiz, amma dinge ait olmağan dünyabaqışımıznen ecnebiy bir şey çıqa: bir baqasıñ bizim medeniyet, bir de bizimki degil, ğaliba.
İslȃm medeniyetine bağışlanğan bir kitap bar. Onda mezhepler aqqında ve olarnıñ peyda olmaları, ketirgen faydaları aqqında yazılğandır. Bu Hanafi, Maliki, Şafii ve Hanbali mezhepleridir. Bizim meshebimiz ise Hanafi olaraq, evel ezelden milletimizge mensüp olğan, onıñ içün medeniyetimizde bu mezhepke esaslanıp kelgendir. Tamam o zaman biz şu peyda olğan suallerimizge cevaplar taparıq. Men ise, endi taptım ve şimdi şu cevaplar üstünde çalışam. Er kezge bu kitapnı oqumağa tefsiye etem!
Zubeir Qadri – zade, ressam
Müellifniñ fikiri, muarriet fikirinen doğru kelmey bile.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
