Fevral 7-de saba Kezlev (Yevpatoriya) civarında arbiy sanitar maşnası süt mahsulatını taşığan yük avtomobilinen çatıştı.
İlk malümatlarğa binaen, avtomobillerden biri yandı.
«Eki avtomobilniñ aydayıcıları ve yolcuları naqliyeni terk etmege yetiştirdi, olar tibbiy yardımğa muhtac olmadı. Qırım yanğıncıları tez şekilde yeñni qoydı ve saat 10:41-de yanğınnı söndürdi. Ateş meydanı 20 kvadrat metrni teşkil etti, onı tolusınen yoq ettiler. Bunen beraber, şahsiy terkip, daa yanğın peyda olmasın dep, yoldan yaqarlıqnı yuvdı», – dep añlattılar Rusiye Fevqulade vaziyetler nazirligi Qırım boyunca idaresiniñ matbuat hızmetinde.
Foto: RİA Novosti
Foto: İçtimaiy ağlar
Telegramda kanalımızğa qoşulıñız ve eñ aktual ve meraqlı malümatlardan haberdar oluñız