Rusiye Fevqulade vaziyetler nazirliginiñ Qırım boyunca Baş idaresi haber etti ki, oktâbr 27-de, cumaaqşamı künü yarımadada şiddetli yeller esecek.
Bu aqta müessiseniñ matbuat hızmeti bildirdi.
«Gidrometeorologiya ve etraftaki müit nezareti boyunca Qırım idaresiniñ malümatına binaen, oktâbr 27-de Qırımda suratı saniyede 15-20 metrni teşkil etken şimal-şarqiy yelniñ esmesi beklenile», – dep qayd ettiler matbuat hızmetinde.
Qırım: deñişici bulutlı ava. Gece yağmursız, saba ve kündüz bazı yerlerde yağmur yağacaq, tuman olacaq. Ava arareti gece -2…+3 derece, kündüz +6 dereceni teşkil etecek. Aqmescitte kündüz ava +7…+9 derecege qadar qızacaq.