Qırımtatar faalleri Federal havfsızlıq hızmeti (FSB) idaresine soğruğa 2013 ve 2015 seneleri Bağçasaraynıñ 6-cı qasabasında keçirilgen musulman bayramlarınen bağlı meselesinden çağırıldı.
Tünevin, fevral 16-da, bir qaç qırımtatar kişi Rusiye FSB idaresi hadimleri tarafından sorğuğa çekildi. Sorğuğa milliy areket veteranı, Mustafa Cemilevniñ ağası Asan Cemilev de davet etildi.
Qırımtatar faali İlmi Umerovnıñ bildirgenine köre, sorğu devamında er keske videolar kösterildi, bu videolarda o merasimlerde yüz bergen kiçik davalarnı körmek mümkün. Onıñ sözlerine binaen, dava, merasim teşkilâtçıları ve yerli faaller arasında bayram keçirilmesiniñ doğrulığınen bağlı farqlı noqta-i nazarları sebebinden yüz berdi: o yerde bulunğan adamlarnıñ yerleşmesi, aqay ve apaylarnıñ ayırılması, merasim tarihı, laf etme tili ve ilâhre.
«Umumen olaraq, adamlar apiske qapatalıcaq kibi şeyler olmadı, çünki aramızda iç terrorist ve ekstremistler yoq edi ve şimdi yoq! Bu davalar nasıl olsa da, bu bizim işimizdir», – dep yazdı o Facebook saifesinde.
Fevral 16-da FSB idaresine 6-cı qasabanıñ umumen olaraq beş sakini (Musa Tatarov, Mustafa Mustafayev, Asan Cemilev, Ebazer Abibullayev ve İsmail Ablayev) sorğuğa çağırıldı.
Telegramda kanalımızğa qoşulıñız ve eñ aktual ve meraqlı malümatlardan haberdar oluñız
