Qırımda qıznı özüni öldürmekten qurtardılar

17.02.20178:50573
синий кит

Aluşta taqiqatçıları özüni öldürmek alına ketirüv boyunca cinaiy iş açtı.

Böyleliknen, içtimaiy ağlarnıñ birinde «ölüm gruppası» iştirakçisi olğan 14 yaşındaki mektep talebesini özüni öldürmek alına ketirmege tırıştılar, dep bildirdiler Taqiqat komitetinde.

Müessiseniñ malümatına binaen, 2016 senesi avgust ayından başlap 2017 senesi fevral ayına qadar (çağına yetmegen qız özüni öldürmek kerek olğan vaqıtqa qadar) qız içtimaiy ağda belli olmağan şahıslarnen mektüpleşe edi, olar, ruhiy kontrol ve ruhiy tesir etüv vastasınen oña ömür içün havflı vaziyetlerni yaptıra edi.

Mektep talebesi anasına bu mektüpleşme aqqında bildirdi, anası uquq qoruyıcı organlarına muracaat etti. Bala qurtarıldı.

Bugünki künde taqiqat alıp barıla; zararlanğanlar belgilene.

2016 senesi mayıs ayında Rospotrebnadzor «Vkontakte» içtimaiy ağına özüni öldürmege çağırğan ve bunı teşviqat etken «ölüm gruppalarını» öz küçünen blok etmege rica etti. Bunen beraber, böyle gruppalarnen bağlı teg ve akkauntlarnı Instagram da teşkerip başladı. İçtimaiy ağda bildirdiler ki, «kontentni yoq etüv» boyunca tedbirler alıp barılacaq.

Politsiyada içtimaiy ağlardaki tahmin etilgen «ölüm gruppaları» cedveli taqdim etildi: «Kitler töpege yalday», «Meni saat 4.20-de uyat», f57, f58, «Tihiydom», «Rina», «Nâpoka», «Kitler deñizi», «Menim …-ge qadar 50 kün…».

Bunen beraber, #domkitov, #morekitov, #mleçnıyput, #150zvezd, #ff33, #d28, #hochuvigru, #begiiliumri kibi heştegler ve içtimaiy ağlardaki akkauntlarda 50-den başlap ve azca olğan raqamlarnıñ yazıluvı, bundan da ğayrı, kitler, hususan uçqan kitler, köbelek ve birmüyüz resimlerine ayrı diqqat etmeli.

Bundan da ğayrı, dostlarnen laf etkende «meni saat 4.20-de uyat» ve «men oyundam» degen ibarelerge diqqat etmeli.

Telegramda kanalımızğa qoşulıñız ve eñ aktual ve meraqlı malümatlardan haberdar oluñız

Редакция AVDET

Author: Редакция AVDET

Avdet gazetası