Aqmescitte (Simferopol) General Vasilyev soqağında anbar yanındaki turaqta MAN TGS yük maşnası yandı.
Fevqulade vaziyetler nazirligi Qırım idaresiniñ malümatına binaen, yük maşnasınıñ kabinası bütünley yandı. Ateş 8 kvadrat metrni qaplap aldı. Vaqia neticesinde MAN TGS avtomobiliniñ aydayıcısı zararlandı, onıñ bedeniniñ 15 faizi yanıqlandı. Aydayıcı Aqmescitniñ 6-cı şeer hastahanesine ketirildi.
Fevqulade vaziyet mart 18-de tahminen saat 17:00-de yüz berdi. Bu yerge kelgen yanğıncılar 15 daqqa içinde ateşni söndürdi. Ekspertler yanğın sebebini ögrene.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
