Bugün saba, mart 26-da, Qarasuvbazar (Belogorsk) rayonınıñ Sartana (Alekseyevka) köyü civarındaki ormanda mart başında ğayıp olğan Mudessir İsayevniñ cesedi tapıldı.
Bu aqta Qırım müftiyatınıñ matbuat kâtibi Zera Emirsuin bildirdi.
Yerli faal Seyran Kerimovnıñ sözlerine köre, Mudessir İsayevniñ yaqınları tuvğan insannı soñki yolğa ozğarmaq içün para yardımına muhtac.
+7 978 128 69 80 Seyran.
Avdetniñ evel bildirgenine köre, yaqında insultnı başından keçirgen 65 yaşındaki aqay kişi köpeginen beraber ormanğa odun almaq içün bardı, onıñ közü yaramay köre edi. Bir künden soñ köpegi qayttı. İsayevniñ yaqınları bugünki künge qadar onı qıdıra edi.
İçtimaiy ağlarda Facebook, Vkontakte,Odnoklassniki saifelerimizge, bunen beraber,Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
