Aqmescit (Simferopol) qavehaneleriniñ birinde politsiya hadimleri Rusiye muhalif firqalarına destek olaraq keçirilecek bir kişilik piketlerni teşkil etmege planlaştırğan faaller taqımını tuttı.
Bu aqta gruppa iştirakçileriniñ biri olğan Aleksey Yefremov Vkontakte içtimaiy ağındaki saifesinde bildirdi.
Onıñ sözlerine köre, yaqalav qaideler bozuvınen keçti, politsiya hadimleri özüni tanıtmadı ve bir şey añlatmadı. Bütün gruppa qavehaneden çıqarılıp, nomerleri olmağan maşnalarnen Aqmescit İçki işler Merkez rayon bölügine alıp ketirildi.
Üç saat keçken soñ, dep yaza faal, gruppa yiberildi, amma olarğa qarşı qabaatlav taqdim etilmedi ve yaqalav boyunca protokollar berilmedi.
Avdetniñ evel bildirgenine köre, mart 21-de Rusiye Anayasa mahkemesi (AM) fermannı derc etti ki, vesiqağa binaen, politsiya hadimleri er angi bir kişilik piketlerni, piket iştirakçisi qaideler boyunca areket etse bile, toqtata bile.
Bundan evel haber etilgenine köre, Aleksey Navalnıynıñ tarafdarları Aqmescit ve Aqyarda (Sevastopol) «Rusiye yuqarı devlet memurlarınıñ qabarcılıq yapqanlarını» taqiq etmek talabına destek olaraq yürüş ve miting şeklinde merasimler keçirecek edi. Olar ümüt etken edi ki, Aqmescit şeer belediyesi işbu merasimni ilk nevbette uyğunlaştıracaq, çünki bu kibi bildirüvler aman-aman bir vaqıtta qomşu Rusiyeniñ onlarca şeerleri memuriyetlerine berildi.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
