Yaltada Amerika sabıq prezidentine bağışlanğan abide açıldı

24.04.20178:50

Bu künleri Yaltada Amerika Birleşken Ştatları 32-ci prezidenti, 1945 senesi keçirilgen Yalta konferentsiyasınıñ iştirakçisi Franklin Delano Ruzvelt abidesiniñ tantanalı açılışı teşkil etildi. Merasim Ruzvelt soqağı kününe bağışlanıp, keçirildi.

«Abide, Franklin Ruzveltniñ XX-ci asırda barışıq saqlav saasında yararlıqları köz ögüne alınıp, tiklenildi», – dep ayttı açılış merasiminde Yalta memuriyeti yolbaşçısı Andrey Rostenko.

Onıñ sözlerine köre, şeerde bu abideni qoymaq teşebbüsini cemaatçılıq bildirdi.

Amerika prezidenti abidesi ta 60-cı seneleri Aqyarlı eykeltraş Konstantin Koşkin tarafından yapıldı. Başta eykel çoq vaqıt devamında Livadiya sarayında, 2005 senesinden soñ ise, «Bristol» musafirhanesiniñ müzeyinde buluna edi. Ve bu vaqıt devamında abide halqqa iç kösterilmegen edi.

Gitlerge qarşı koalitsiyanıñ üç devleti – Sovet Sotsialistik Cumhuriyetleri Birligi, Amerika Birleşken Ştatları ve Büyük Britaniya – yolbaşçılarınıñ Yaltadaki konferentsiyası 1945 senesi fevral 4-11 künleri sabıq qıral rezidentsiyası – Livadiya sarayında keçirilgen edi. Bu yerde cenkten soñraki dünya tertibatınen bağlı meseleler muzakere etilgen edi, dep bildire «RİA-Krım».

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET