Bağçasaray rayonından keçken Alma özeni taştı.
Özen suvları Bürlük (Vilino) köyündeki yollarnı bastı. Avtomobilller tamam suvdan keçmek mecbur. Bunıñ sebebi, Sabla (Partizanskoye) suv anbarından özenge suvnıñ yiberilmesi oldı. Bu suv anbarından Qırım paytahtı ve yerli şarap hocalıqları suvnen teminlene. Bunen beraber, Aqmescit (Simferopol) suvnen teminlev hızmetinde bildirdiler ki, suv qararlı yiberildi.
«Qararğa uyğun miqdarda suvnı yiberdik – mümkün olğan 15 kubdan 9 kub», – dep bildirdi suvnen teminlev hızmetiniñ dispetçeri.
Yüzüm tarlaları Alma özeni vadiysinde bulunğan Alma Valley şarap yapıcı şirketiniñ müdir muavini İgor Serdükniñ sözlerine köre, bu, ösümliklerge zarar ketirmez.
«O qadar yağanaqlar, ve özende o qadar suv olğanı pek yahşı, – dep ayta Serdük. – Bu yerde kiçik irmaçıq ola, şimdi ise yahşı bir özen. Bir afta içinde eki aylıq yağanaqlar yağdı. Topraq suvğa toyğun ola, bu yüzüm içün pek yahşıdır. Aslında, bu yerde daima suvğa muhtacmız ve araçıqlar teşmek mecburmız», – dep bildire «Primeçaniya» Serdükniñ sözlerini.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
