Amerika Qoşma Ştatları Kongressi temsilcileriniñ palatası Rusiyege qarşı yañı sanktsiyalarnıñ kirsetilmesi aqqında qararnı qabul etti.
Qararğa 388 kongressmen qol tuttı, 2 kişi qarşı oldı.
H.R.3203 qanun leyhası iyül 13-te kirsetildi. Bundan soñ Kongress vesiqa metnini derc etti, oña firqalarnıñ ekisi de qol tuttı. Endi vesiqa Senatqa teslim etilecek, bundan soñ onı AQŞ prezidenti Donald Tramp imzalamaq kerek, qaysı biri, Beyaz Saray resmiy temsilcisi Sara Sandersniñ sözlerine köre, Rusiyege qarşı «qattı» sanktsiyalarnıñ kirsetilmesine qol tuta.
İyün ayında Senat tarafından tasdıqlanğan bundan evelki bu kibi qanun leyhası (S.722) protsedura qaideleri sebebinden rey berüvge çıqarılmadı. Qayd etilgenine köre, şimdi taqdim etilgen vesiqanıñ metni, evelkisine köre, aman-aman aynı oldı.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
