Aqmescitniñ Demiryol rayon mahkemesi Mustafa Hairovnıñ dört ayle azasını qazalandırğan, Saraylı-Qıyat köyünde yer alğan Hairovlar evine ucumniñ rehberleri, QMC-niñ iç işler organlarınıñ eki hadimine nisbeten öz ükümini çıqardı.
1 fevral künü mahkeme tarafından çıqarılğan ükümge binaen qabaatlanğanlar Qırımda MVD GU Aqmescit rayon bülüginiñ inspektorı Maksim Pişçik ve MVD nefaqacısı Vasiliy Vaulin 3 yıl sınav müddeti ile şartlı olaraq 5 yılğa qapatıldılar.
Bundan da ğayrı mahkeme QMC-inde Urainananıñ GU MVD organını qazalanğan aylege 94,5 biñ grv. tölemesini mecbu etti. Bu paralar arasında 50 biñ grv.- ayle başı Mustafa Hairovğa yapılğan maneviy zarar içün, 18 biñ -aynı oña, endi alıp olmaycaq aylığı içün ve 1,5 biñ grv.- tedaviylenmesi içün qarşılıqlar. Mustafa Hairovnıñ apayı ve oğluna mahkeme 10-ar biñ, qızına ise 5 biñ tayin etti.
Öz nevbetinde, qazağa oğratılğan ayle mahkeme qararınen memnün qalmağanını, amma aynı zamanda qabaatlanğanlarnı qabaatlı saymağanlarını bildire.
‘Mahkemege oğratılğanlarına açuvımız yoq, çünki olar tek yuqarıdan kelgen emirlerini amelge keçirgenlerini añlaymız’,- dep, Mustafa Hairov pressağa aytqan edi. ‘ mahkemeniñ qararı ile biz razı degilmiz. Çünki tayin etilgen qarşılıq parasınıñ miqdarı babamnıñ qoluna yahşı protez yapılması içün bile yetmez. Onıñ içün biz apellãtsıon mahkemesine ariza teslim etmek niyetindemiz’, -dep, qayd etti, Mustafa Hairovnıñ oğlu- Eyvaz hairov
Hatırlatamız ki, 2009 senesi fevralniñ 22-sinde Saraylı Qıyat köyünde, Hairovlar aylesi yaşağan evge, adamnı hırsızlağan tüşünilgenniñ bulnğan yeri aqqında haberni teşkirir eken, MVD-nıñ ‘Berkut’ bölüginiñ silãlı ve maskalı 12 hadimi atlıp kirdiler. huquqqoruyıcılar işletken mahsus bvastalar neticesinde ayle azaları yaralandı. O vaqıtta evde Mustafa Hairov, onıñ apayı Uriye ve olarnıñ oğlu Eyvaz buluna ediler. Ücümniñ neticesinde Mustaf Hairov sol qolundan mahrum qaldı, o aqmescitte Lugovoye qasabasınıñ hastahanesinde yata edi, oğlu Eyvaz ise- Semaşko adına hastahanesiniñ neyrohirurgiya bölüginde yattı. Mustaf Hairov sağlığına büyük zarar körgeninden ğayrı, işinden de çıqarıldı.
Ücümden soñ birden MVD, bu adiseniñ sebebi- ‘ vaziyetni doğru añlamağan ve mahsus vastalarını hata olaraq işletken militsıya hadimleriniñ keregi qadar professional olmağan areketleridir’,- dep bildirdi.
Qırımda Ukraina MVD-nıñ Baş idaresiniñ yolbaşçılığı yaralanğan ve onıñ qoranta azalarından afu soradı, tedaviylenmelerind eyardım etti ve maneviy zararına para qarşılığını berdi.
Saraylı-Qıyatta yüz bergen vaqia boyunca Aqmescit rayonınıñ prokuraturası mahkeme işini başladı.
Keçirilgen araştırmalarnıñ neticelerinde 23 huquqqoruyıcı cezalandırıldı. Olardan ekisi iç işler organlarında çıqarıldı, beşi tutqan vazifelerinden boşatıldı, 8 adam ise vazifelerine riayet etmegenleri aqqında tenbiyelendi. Qalğanlarğa da qattı vıgovor aldılar.
QHA