11 fevralde medeniyet, yaşlar işleri ve sport boyunca Qırım Muhtar Cümhüriyetiniñ daimiy komissiyasınıñ toplaşuvında muhtariyetniñ parlamentariyaları ‘Vatan qanatları’ teşebbüs gruppasınıñ munasip teklifine qoltuttılar.
QMC YŞ qırımtatar deputatı Şevket Kaybullayev, komissiya toplaşuvınıñ ketişatında ‘Aqmescit’ aeroportına Amethan Sultannıñ adını berilmesi yarımadamızda tolerantlıq muitiniñ qaviyleştirilmesinde emiyetli adım sayılacağını qayd etti. Bu teklifke komissiyanıñ bütün azaları qoltutıp, aeroportqa AmethanSultannıñ adını belli uçucı sınavcınıñ 90 yıllığı munasebeti ile keçirilecek merasimler çerçivesinde qoymaq mumkünligini qayd ettiler.
QHA