«DTRK», «ATR»,
«Meydan Radiosı», «Avdet», «Qırım»,
«Yañı dünya», «Maarif İşleri», «Hidayet», «QHA»
Rehberlerine
Milliy sınıf ve mekteplerge
qırımlı balalarnıñ yazdırma meselesi
boyunca muracaat
Ürmetli Efendiler,
Ana tilimizniñ vaziyeti ğayet ağır olğanını ilân etmekniñ aceti yoq. Semetdeşlerimiz öz evlâtlarını milliy mektep ve sınıflarğa bermegenleri vaziyetimizni daa da telükeli alda qaldıra. Ana tilimizni ve Milliy tasilimizni qurtarmaq alında olğanımıznı qayd etmek mecburmız.
Bu munasebet ile Qardaşlıq ve Bizim Qırım yaşlar teşkilâtları ana-babalar öz balalarını milliy sınıf ve mekteplerge yazdırmaları içün teşviqat faaliyetini başlamaq niyetindedir. Faaliyetimiz belli müddet devamında Tele/Radio yayınlarnıñ keçirilmesi ve gazetlerimizde maqalelerniñ basılmasından ibaret olacaqtır. Bu faaliyet aynı Maarifçı Birleşmesiniñ iştiragı ile yapılmaqtadır.
Bu işte kütleviy haber vastalarnıñ iştiragı ve tesiri ğayet buyük ve müimdir. Bu munasebet ile bu işni beraber yapacağımızğa umüt besleymiz. «BIZIM QIRIM» HCT, «QARDAŞLIQ» Aqmescit şeer cemaat teşkilâtı