Qırımtatar Milliy Meclisi tarafından 2011 senesi 21 martta qabul etilgen “Ana tili” oğrunda küreş” programmasınıñ ömürge keçirilüvi boyunca keñeşiniñ birinci oturışı olıp keçti.
Keñeşniñ yolbaşçısı — Qırımtatar Milliy Meclis reisiniñ muavini, Qırım Muhrat Cumhuriyeti Yuqarı Şurasınıñ Milletlerara munasebetler ve sürgün etilgen vatandaşlarnıñ meseleleri boyunca daimiy komissiyanıñ reisi Remzi İlyasov.
Qırımtatar tiliniñ qullanması ve inkişafı meselesine büyük diqqat ayırıldı. Keñeşniñ azası Suleyman Cemilev Keñeşniñ işine sotsiologlarnı ve siyasetşınaslarnı celp etmege teklif etti, olar taliller keçirip, qırımtatar tiliniñ inkişafınen bağlı bir de bir meselelerniñ çezilüvi boyunca teklifler berecekler.
Bu mevzunıñ muzakeresi neticeleri boyunca qırımtatar tiliniñ inkişafına bağışlanğan “Avdet”, “Qırım”, “Yañı dünya” gazetalarnıñ mahsus birleşken sanını azırlamaq qararı çıqarıldı.
Ondan da ğayrı, Keñeşniñ oturışlarını aftada bir kere keçirmek qararı çıqarıldı.
QHA