Ukrainanıñ Yuqarı Şurası efsaneviy qırımtatar uçucısı, Sovet Birliginiñ eki defa Qaramanı, podpolkovnik Amethan Sultannıñ Doğğan kününiñ (25 oktâbr) devlet seviyesinde qayd etilecegi aqqında qarar çıqardı. Bu qarar, “BÜT-Batkivşçina” fraktsiyasınıñ deputatı Vladimir Yavorivskiy tarafından resmiyleştirilip, 22 sentâbr künü Ukrainanıñ Yuqarı Şurasınıñ oturışında qabul etildi. Bu qararğa 294 halq deputatı qol tuttı.
“Ürmetli arqadaşlar, Sovet Birligiginiñ eki defa qaramanı Amethan Sultan doğğanıñ 90-yıllıq tarihiniñ qayd etilmesini, bu unikal insannıñ biografiyasını ögrengen soñ, kirsettim”, — dedi Yavorivskiy.
Daa qayd etti ki, Amethan Sultan öz Vatanından sürgün etilgen qırımtatar halqınıñ vekilidir.
Qabul etilgen qararda Amethan Sultannıñ 90-yıllığı tantanalı sürette devlet seviyesinde qayd etilecegi aqqında aytıla.
Bunınen beraber, Ukrainanıñ Nazirler Şurasına eki aftalıq müddete A.Sultan 90-yıllığınıñ devlet seviyesinde qayd etilmesiniñ azırlığı ve keçirilüvi boyunca teşkiliy komitetni tizmee avale etildi; bu komitet qurulğanından eki aftalıq müddete tedbirler keçirilüviniñ planını işletmek; onıñ maliye ve materil-tehnik teminleviniñ meselesini çezmek; qaramannıñ ömüri ve faaliyetine bağışlanğan mevzu boyunca sergiler teşkilâtlandırılmasını teminlemek.
Ukrainanıñ televideniye ve radio devlet komitetine efsaneviy uçucınıñ ömüri ve faaliyetine bağışlanğan tele ve radio yayılarını azırlamağa, keçirelecek tedbirlerni kütleviy informatsion vastalarında aks etmege teklif etile.
“Ukrpoçta” Ukraina devlet poçta bağnıñ müessisene Amethan Sultan doğğanınıñ 90-yıllığına bağışlanğan bir sıra poçta markalarnı çıqarmağa teklif etile, Qırımnıñ Nazirler Şurasına ise – Alupka şeerinde uçucınıñ müzeyinde tamir işlerini keçirmek.
QHA
_________________________________________
Ukraina Prezidenti V.F.YANUKOVİÇKE
01220, Bankovaya soq., 11, Kiyev ş., Ukraina
Sayğılı Viktor Födoroviç!
303 qırmacı aviatsiya tümeni ve efsaneviy “Hormandiya-Neman” aviapolku veteranlarınıñ avalesi ile “Simferopol” halqara avalimanına Sovet Birliginñ eki defa Qaramanı Amet-Han Sultannıñ adı berilmesi aqqında” sualni baqmaq ve müsbet qarar çıqarmaq ricası ile sizge muracaat etem.
2010 senesi – Ulu Vatan cenkinde Ulu Ğalebeniñ 65-yıllığınıñ ve bağışlanğan 40 dane Yak-3 uçaqlar ile Sovet Birliginden Frantsiyağa uçuşnıñ (15 – 20.06.1945 s.) senesidir, em de ulu sovet assı, Sovet Birliginiñ eki defa Qaramanı Amet-Han Sultan doğğanınıñ 90 yıllığıdır.
Onıñ qaramanlığı ve arbiy yenişleri sovet ve farntsız uçucılarını ayrette qaldıra ediler, defalarca ava uruşlarında arqadaşınıñ yardımını duya ediler. Bu – Belorusiya, Pribaltika, Şarq Prussiya üzerindeki ağır uruşlar. Bilemiz ki, Qırım azat etilmesi içün uruşlarda faal iştirak etti.
Öz qaramanlığı ve cesürligi, em de avada uruşmaq ustalığı ile öz arqadaşlarını qurtarğan edi. Bu, er vaqıt aqılımızdadır. “Normandiya-Neman” aviapolknıñ farntsız uçucılarınıñ 40 dane Yak-3 uçaqları, ğalebe silâsı ile öz Vatanına uçuşına issesini qoşqan edi. 42 uçucı uruş ve uçmadan qaytmağan ediler. Olarnıñ sayısı daa çoq ola bile edi.
Ürmetli Viktor Födöroviç, “Simferopol” Halqara avalimanına Sovet Birliginiñ eki defa Qaramanı Amet-Han Sultannıñ adı berilmesi ile 20-ci asırnnıñ ulu uçucısı aqqında hatıranı ebediyleştirmege rica etemiz.
Eñ eyi tilekler ve muracaatım baqılacaq ümüti ile, vatandaşıñız.
Rusiyede nam qazanğan arbiy uçucı,
Veteranlar keñeşiniñ reisi,
Assotsiatsiya prezidenti,
“Normandiya-Neman” aviapolkunıñ komandiri (1995-2000)
Anatoliy Fetisov